Каб гучала мова дашкалят...
Родная мова – гэта першая крыніца,
праз якую мы пазнаем жыццё і
акаляючы нас свет.
Я. Колас
Для большасці дашкольнікаў першай мовай, якую яны чуюць ад бацькоў, на якой вучацца размаўляць з маленства, з’яўляецца руская. Але мы жывем у краіне Беларусь і дзеці павінны ведаць і разумець сваю родную мову, таму ў нашым дзіцячым садку мы далучаем малых выхаванцаў да беларускай мовы, знаёмім іх з правільным беларускім маўленнем праз спецыяльна арганізаваныя заняткі і ў свабоднай дзейнасці дашкалят. Выхавацелі арганізуюць і плануюць беларускамоўныя дні, гульні – драматызацыі, дыдактычныя гульні. З дапамогай мастацкага слова – казак, лічылак, вершаў, прыказак, прымавак дарослыя развіваюць у дзяцей жаданне ведаць і не забываць мову сваіх продкаў, майстэрства валодаць ёю, падштурхоўваюць да свядомага жадання запомніць новае слова, яскравы паэтычны радок, падзяліцца радасцю свайго адкрыцця з сябрамі, бацькамі.